संकटमोचन हनुमानाष्टक

संकटमोचन हनुमानाष्टक

बाल समय रवि भक्षी लियो तब तीनहुं लोक भयो अँधियारो I

ताहि सो त्रास भयो जग को यह संकट काहू सो जात न टारो II

देवन आनि करी बिनती तब छाड़ दियो रवि कष्ट निवारो I

... को नहीं जानत है जग में कपि संकट मोचन नाम तिहारो II

बालि की त्रास कपीस बसे गिरि जात महा प्रभु पंथ निहारो I

चौंकि महा मुनि श्राप दियो तब चाहिये कौन बिचार बिचारो II

कै द्विज रूप लिवाय महा प्रभु सो तुम दास के शोक निवारो I

को नहीं जानत है जग में कपि संकट मोचन नाम तिहारो II

अंगद के संग लेन गये सिया खोज कपीस यह बैन उचारो I

जीवत ना बचिहौ हम सो जो बिना सुधि लाये यहाँ पगु धारौ II

हेरि थके तट सिन्धु सबै तब लाये सिया सुधि प्राण उबारो I

को नहीं जानत है जग में कपि संकट मोचन नाम तिहारो II

रावण त्रास दई सिया को सब राक्षसि सों कहि शोक निवारो I

ताहि समय हनुमान महाप्रभु जाय महा रजनी चर मारो II

चाहत सिया अशोक सों आगिसु दें प्रभु मुद्रिका शोक निवारो I

को नहीं जानत है जग में कपि संकट मोचन नाम तिहारो II

बाण लाग्यो उर लक्ष्मण के तब प्राण तज्यो सुत रावण मारो I

ले गृह वैद्य सुषेन समेत तवै गिरि द्रोण सो वीर उपारो II

आनि सजीवन हाथ दई तब लक्ष्मण के तुम प्राण उबारो I

को नहीं जानत है जग में कपि संकट मोचन नाम तिहारो II

रावण युद्ध अजान कियो तब नाग कि फाँस सबै सिर दारो I

श्री रघुनाथ समेत सबै दल मोह भयो यह संकट भारो II

आनि खगेस तबै हनुमान जु बंधन काटि सुत्रास निवारो I

को नहीं जानत है जग में कपि संकट मोचन नाम तिहारो II

बंधु समेत जबै अहि रावण लै रघुनाथ पातळ सिधारो I

देविहिं पूजि भलि विधि सो बलि देउ सबै मिलि मंत्र विचारो II

जाय सहाय भयो तब ही अहि रावण सैन्य समेत संघारो I

को नहीं जानत है जग में कपि संकट मोचन नाम तिहारो II

काज किये बड़ देवन के तुम वीर महा प्रभु देखि बिचारो I

कौन सो संकट मोर गरीब को जो तुम सों नहिं जात है टारो II

बेगि हरो हनुमान महा प्रभु जो कछु संकट होय हमारो I

को नहीं जानत है जग में कपि संकट मोचन नाम तिहारो II

लाल देह लाली लसे ,अरु धरि लाल लंगूर I

बज्र देह दानव दलन,जय जय जय कपि सूर II

श्री हनुमान स्तुति

 श्री हनुमान स्तुति

मंगलमूरति मारुतनंदन

।। राम श्रीराम श्रीराम सीताराम।।

.. मंगलमूरति मारुतनंदन अगमँहु सुगम बनाई ।

मुनि मन रंजन जन दुःख भंजन केहि बिधि करौं बड़ाई ।।

असहाय सहायक तुम सब लायक गुनगन यश जग छाई ।

अतिबड़भागी तुम अनुरागी रामचरन सुख दाई ।।

जनहित आगर विद्यासागर रामकृपा अधिकाई ।

बालि त्रास त्रसित सुग्रीव को राम से दिहेउ मिलाई ।।

भक्त विभीषन धीरज दीन्हेउ राम कृपा समुझाई ।

सिया सुख दीन्हेउ आशिष लीन्हेउ प्रभु सन्देश सुनाई ।।

बल बुधि धाम सिया सुधि लायउ रावन लंक जराई ।

वैद्य सुषेन सदन संग लायउ मूरि कहेउ जनु आई ।।

कालनेमि बधि लाइ सजीवन लक्षिमन प्रान बचाई ।

पैठि पताल अहिरावन मारेउ लायउ प्रभु दो भाई ।।

विजय संदेश सिया को दीन्हेउ सुनि अति मन हर्षाईं ।

बूड़त भरत विरह जल राखेउ आवत प्रभु बतलाई ।।

हाँक सुनत सब खल दल काँपैं छीजैं सुनि प्रभुताई ।

मैं मूढ़ मलीन कहँउ किम तव गुन शारद कहे न सिराई ।।

दीनदयाल भयउ तुलसी को तुमही नाथ सहाई ।

मम चित करउ कहँउ कर जोरे छमि अवगुन कुटिलाई ।।

स्वामिन स्वामि सिया रघुनाथ तव आरतपाल पितु-माई ।

रीति सदा जेहिं दीन को आदर कीरति जगत सुहाई ।।

दीनसहायक प्रिय रघुनायक मम हित बात चलाई ।

करुनासागर जन हित आगर अब न रखो बिसराई ।।

अघ अवगुन नहि देखि विरद निज करउ कृपा रघुराई ।

साधनहीन नहीं हित स्वामी भ्रमत है अकुलाई ।।

दीनबन्धु दीन संतोष की और विलम्ब किये न भलाई ।

असरन सरन एक गति तुमही राखो बाँह उठाई ।।

.............................................................

_/\_ मारुति नंदन नमो नमः _/\_ कष्ट भंजन नमो नमः _/\_

_/\_ असुर निकंदन नमो नमः _/\_ श्रीरामदूतम नमो नमः _/\

.......................................................................

Read more

Click

मंत्र संग्रह (Mantra in Hindi)