प्रात:नारायणं स्मरामि
प्रात: स्मरामि भवभीतिमहार्तिशान्त्यै
नारायणं गरुडवाहनमञ्जनाभम् ।
ग्राहाभिमूतवरवारणमुक्तिहेतुं
चक्रायुधं तरुणवारिजपत्रनेत्रम् ॥१॥
प्रातर्नमामि मनसा वचसा च मूर्ध्ना
पादारविन्दयुगलं परमस्य पुंस: ।
नारायणस्य नरकार्णवतारणस्य
पारायणप्रवणविप्रपरायणस्य ॥२॥
प्रातर्भजामि भजतामभयङ्करं तं
प्राक्सर्वजन्मकृतपापभयापहत्यै ।
यो ग्राहवक्त्रपतिताङघ्रिगजेन्द्रधोर-
शोकप्रणाशनकरो धृतशङखचक्र: ॥३॥
श्लोकत्रयमिदं पुण्यं प्रात: प्रात: पठेन्नर: ।
लोकत्रयगुरुस्तस्मै दद्यादात्मपदं हरि: ॥४॥
